Herøyværingar ute av kriseråka reiarlag

Sævik Invest med Rune Sævik som styreleiar og Trond Kvalsund frå Herøy, har selt seg ut av Havøy Kystfiske, ifølgje Sunnmørsposten.

Tidlegare i år blei det kjent at Austevoll-reder Ola Christian Olsen kom inn som styreleiar i det kriseråka reiarlaget.

Via Fruholmen As har han kjøpt eigardelane til Sævik Invest på 50 prosent og Kvalsund på fem prosent, og blitt største eigar i reiarlaget, ifølgje avisa. Reiarlaget med adresse på Skodje, er elles eigd av Jørn Helde.

I årsmeldinga for 2023 går det fram at det er tilført ny kapital og gjennomført ei gjeldskonvertering.

Havøy Kystfiske har båtane «Hunter» og «Sea Hunter», som i fjor blei lagt til kai av Sjøfartsdirektoratet.