Høgaste konkurstala på seks år

(NPK-NTB): Dei siste tolv månadene var det nesten 4000 aksjeselskap som gjekk konkurs i Noreg, viser nye tal. Det er ein auke på 11,5 prosent frå året før.

Antal konkursar er det høgaste som er målt i nokon tolvmånadersperiode sidan data- og teknologiselskapet Experian Norge starta konkursanalysane sine i 2019, året før pandemien.

Analytikar Julie Berg peikar på at dei internasjonalt ustabile tidene også påverkar oss i Noreg.

– Med tanke på dei noverande økonomiske utfordringane globalt er det spesielt viktig å vere godt førebudd. Sjølv om du ikkje planlegg verksemd i utlandet, kan du vere avhengig av importerte råvarer eller komponentar – noko som betyr at du framleis kan bli påverka av endringar i den globale marknaden, seier ho i ei pressemelding.

Bygg- og anleggsbransjen er den som slit med flest konkursar, medan eigedomsbransjen har den største auken med 15,2 prosent. Fylka med størst konkursauke dei siste tolv månadene er Agder, med 35,9 prosent, og Innlandet med 18,8 prosent.

(©NPK)