Høge konkurstal i juli

(NPK-NTB): 247 aksjeselskap gjekk konkurs i juli månad, ein auke på 20 prosent frå fjoråret. Det er det høgaste talet konkursar for ein julimånad på fem år.

– I år ser vi relativt høge tal i juli, sjølv om dei ikkje er på nivå med førre månader i 2024, så er talet på konkursar i juli i år det høgaste for ein julimånad på 5 år, seier analytikar i Experian Norge, Julie Berg, i ei pressemelding.

På landsbasis viser tala ein konkursauke på 11,2 prosent det siste året.

Størstedelen av auken i konkursar kjem frå bransjane varehandel, informasjon og kommunikasjon, og frå delar av eigedomsbransjen.

For varehandelen viser tala ein konkursauke på 24 prosent når juli 2024 blir målt mot juli 2023, medan for bransjen omsetning og drift av fast eigedom har tala for konkursar i same periode auka 183 prosent.

– Det kan sjå ut som eigedomsbransjen, og kanskje særleg eigedomsforvaltarane, blir påverka av både den økonomiske uvissa som mange kjenner på, i tillegg til den vedvarande høge renta, seier Berg.

For informasjons- og kommunikasjonsbransjen viser tala ein auke i talet på konkursar på 50 prosent dei siste 12 månadene.

(©NPK)