Byggefirma i Ålesund konkurs

Møre og Romsdal har onsdag opna konkurs i Snekkergruppen Ålesund etter at leiinga har meldt oppbod.

Firmaet hadde ei gjeld på drygt 4,6 millionar kroner og ingenting av verdi, ifølgje rettspapira.

Bedrifta med adresse i Spjelkavik, blei starta på slutten av 2021. I 2022 omsette dei for kring 12,5 millionar i 2022. Året enda med overskot og eigenkapitalen var då positiv. 
 

Skal i møte med styreleiar
Bustyrar i saka er Øystein Remme som fortel til Nett No at han vil snakke med styreleiar seinare onsdag. Han kan difor ikkje seie noko meir om årsaka til konkursen per no.

Det var sju tilsette i arbeid på konkurstidspunktet ifølgje opplysningar frå retten, medan bustyrar har fått opplyst at det var 15 tilsette som var råka.

Første skiftesamling er planlagt 26. august.

Stabile konkurstal
Talet på konkursar har halde seg stabilt på Nordvestlandet, samanlikna med i fjor.

I løpet av første halvår 2024 blei det opna 106 konkursar i Møre og Romsdal. Det er to fleire enn på same tid i 2023, viser tal frå Brønnøysundregistera.

I Nordfjord-kommunane er bilde sameleis, med sju konkursopningar i år, mot åtte i fjor på same tid.