(NPK): Fiskeriminister Per Sandberg (Frp) har vitja Iran og melder om stor interesse for norsk fisk og teknologiske løysingar i oppdrett.
Ein næringslivsdelegasjon med 60 deltakarar frå sjømatnæringa, leverandørindustrien og maritime verksemder reiste saman med fiskeriministeren til Teheran denne veka.
– Iran er den marknaden for tilverka fisk som veks raskast i verda, seier Sandberg.
Han trur Iran gjev moglegheiter for eksport av både sjømat og teknologi, fordi Iran ønskjer å byggja opp si eiga oppdrettsnæring. I tillegg meiner han kompetanse og teknologi for å byggja eigen industri vil styrkja norsk sjømat på den iranske marknaden.
– Med opphevinga av sanksjonane har me ei unik moglegheit. Det er ikkje kvar dag ein marknad med 80 millionar menneske opnar seg over natta, seier fiskeriminister Per Sandberg.
Ein næringslivsdelegasjon med 60 deltakarar frå sjømatnæringa, leverandørindustrien og maritime verksemder reiste saman med fiskeriministeren til Teheran denne veka.
– Iran er den marknaden for tilverka fisk som veks raskast i verda, seier Sandberg.
Han trur Iran gjev moglegheiter for eksport av både sjømat og teknologi, fordi Iran ønskjer å byggja opp si eiga oppdrettsnæring. I tillegg meiner han kompetanse og teknologi for å byggja eigen industri vil styrkja norsk sjømat på den iranske marknaden.
– Med opphevinga av sanksjonane har me ei unik moglegheit. Det er ikkje kvar dag ein marknad med 80 millionar menneske opnar seg over natta, seier fiskeriminister Per Sandberg.
Publisert: 28.09.2016 11:41
Sist oppdatert: 10.02.2021 15:44
