Ja til bru over Nordfjord

(NPK): Kommunal- og moderniseringsminister Jan Tore Sanner seier ja til bru over fjorden mellom kommunane Gloppen og Eid.
– Det er ikkje nasjonale eller viktige regionale omsyn som gir grunn til å overprøve kommunevedtak i denne saka, seier Sanner.
Departementet godkjenner med dette kommuneplanen for Eid med vegtrasé for bru over Nordfjord mellom Lote og Anda.
Eid kommunen ønskjer å ha denne brua til erstatning for ferje, i tillegg til fjordkryssinga for ny E39 som vil komme lenger inn i fjorden.
Kommunal- og moderniseringsdepartementet finn ikkje grunnlag for å ta innvendinga frå Statens vegvesen til følgje. Dette er i samsvar med fråsegn frå Samferdselsdepartementet. (©NPK)