Kald vinter gav høgt straumforbruk

(NPK-NTB): Straumforbruket til norske hushald auka med 10,9 prosent i første kvartal, samanlikna med same periode i fjor.

Forbruket har ikkje vore så høgt sidan starten av 2021, ifølgje nye tal frå Statistisk sentralbyrå ( SSB ).

Straumforbruket i hushald var på 14,6 terawattimar (TWh) i første kvartal, opp frå 13,2 TWh i første kvartal i fjor. Av dette utgjorde forbruk i bustader 13,6 TWh, medan hytter og fritidshus stod for omtrent 1 TWh.

Januar i år var ein svært kald månad. Særleg i dei sørlege delane av landet var temperaturen godt under normalen, noko som blir spegla i straumforbruket i hushalda.

Den største auken i hushaldsforbruk fann stad i prisområda i Sør-Noreg (NO1, NO2 og NO5), der straumforbruket i hushald steig med 14,1 prosent frå første kvartal 2023 til same periode i år.

(©NPK)