Kallar tilbake risgraut frå Nordfjord

(NPK-NTB): Rema 1000 kallar tilbake risgraut frå Nordfjord fordi produktet kan innehalde allergenet selleri.

Rema 1000 opplyser at det er risgraut 900 gram som er produsert av Nordfjord Kjøtt som blir kalla tilbake.

Pakninga har haldbardato: best før 20.04.2025.

Produktet representerer ikkje helsefare for dei som ikkje er allergisk mot selleri.

Dei som har kjøpt produktet, kan levere det tilbake til butikken og få igjen pengane, eller ein kan kaste det i restavfall.