Kjem til Hareid med 1200 passasjerar

Arbeidet med å etablere Hareid som cruisehamn har ført til at to skip har meldt om anløp neste år, ifølgje ei melding frå Vekst i Hareid. 

Den 13. juni 2026 kjem MS Artania med plass til 1200 passasjerar, medan World Voyager med plass til 200 passasjerar kjem 29. juni. 

Dei neste vekene kjem også to agentar til Hareid og vil få eim smakebit på kva Hareid har å by på. 

– Vi som jobbar tett på cruisesatsinga vert meir og meir optimistiske med tanke på å få mange anløp til Hareid, og vi ser alle dei positive ringverknadane dette kan ha for det lokale næringslivet, seier prosjektleiar Christine Erdal for Vekst i Hareid på si eige nettside.