Kjempeår for Ålesund-advokatar

Ålesund-selskapet omsette for 35,1 millionar kroner i fjor, som var solid ny rekord sidan oppstarten i 2015. Med unntak av oppstartsåret, har selskapet hatt tosifra resultat før skatt. I fjor vart det ny rekord der ein passerte for første gong 20 millionar kroner.

Judicia opplyser på si heimeside at ein siste åra har satsa spesielt på å bistå byggherrar, entrepenørar og rådgivarar i bygg- og anleggsbransjen, og viser til at det er nok av tvistar spesielt i oppstarten av prosjekt.

Selskapet har eiga trainee-ordning, der jusstudentar får arbeidsopphald, og ein er ein av hovudsamarbeidspartnerane til Næringsforeningen Ålesundsregionen og Byggebørsen.

Selskapet sysselsette 15 årsverk i fjor, og har ein samla eigenkapital på 14,2 millionar kroner.

Eigarar er – med like mykje aksjar – Anders Svinø, Reidar Andresen, Håkon Rasmussen, Trond Svinø, Øystein Vartdal Riise og Thomas Albertsen.