Norwegian Group-konsernet i Volda sette ny omsetningsrekord i fjor med tett på 400 millionar kroner.
Omsetninga stoppa på 399,2 millionar kroner – ei auke på 100 millionar frå året før. Det viser konsernrekneskapen for KOJ Holding for 2024, som først blei omtala av Møre-Nytt.
Resultatet før skatt svekka seg betydeleg samanlikna med året før, og enda på 6,8 millionar kroner.
| KOJ Holding AS (Norwegian Group-konsernet) | ||
| Tal i mill. kroner | 2024 | 2023 |
| Driftstinntekt | 399,2 | 301 |
| Driftsresultat | 10,9 | 15,5 |
| Resultat før skatt | 6,8 | 13 |
Konsernet er eigd av Kay Ove Johansen har vekse kraftig dei siste åra. Frå 2021 til 2024 blei omsetninga dobla – samtidig som det er levert solide overskot samla. Konsernet består av åtte aktive dotterselskap med ulike spesialfelt.
Norwegian Group-konsernet har mellom anna sikra seg oppdrag i vindkraftindustrien. Dei dei nyttar klatre- og sikringsteknikk frå fjellklatring for å kunne utføre arbeid på installasjonar og anlegg der stillas er dyrt og vanskeleg å ta i bruk.
Selskapa som bidrog med størst omsetning i 2024, var Nog Access AS (158 millionar), NOG People AS (70 millionar) og AAK Energy med adresse i Stavanger (114 millionar).
Konsernet hadde ein eigenkapital på 44,5 millionar ved utløpet av fjoråret, og langsiktig gjeld på 46,1 millionar kroner.
Nett No har vore i kontakt med Kay Ove Johansen, som ikkje ønsker å kommentere rekneskapen.
Publisert: 14.07.2025 16:37
Sist oppdatert: 14.07.2025 16:37
