Inntektene stupte og overskotet blei barbert

Årsresultatet til Aas Mek Verksted i fjor viser hvordan det kan svinge for verftsindustrien. 

Vestnes-verksemda har i flere år vore blant verfta med størst omsetning og best lønnsemd på Nordvestlandet. 

I fjor blei omsetninga nær halvert samanlikna med året før, og overskotet før skatt er det lågaste sidan 2018. Driftsinntektene stoppa på 521 millionar og resultat før skatt enda på drygt 34 millionar kroner (sjå tabell under).

Verftet i Vestnes kom frå ein rad med rekordår, der pilane for omsetninga og overskot har peika bratt opp. 

Hadde to nybygg i fjor – sju for levering i år
Nedgangen skuldast i stor grad bremsen som råka oppdrettsnæringa etter at lakseskatten blei lagt på bordet. Det gjorde at investeringane i marknaden, som gjekk hardt utover ordreboka til verftet som har spesialisert seg på brønnbåtar.

I fjor leverte verftet to brønnbåtar hadde 68 oppdrag med ombygging og reparasjon av ulikt slag, skriv styret i årsmeldinga. 

For det komande året har verftet heile sju nybygg til levering, etter at det er kome ny fart i marknaden. 

Ordreboka inkluderer mellom anna to båtar til deira største kunde, Sølvtrans-reiarlaget i Ålesund, og to båtar til nystarta Njord Aquashipping. 

Langt fleire spørsmål om nybygg
Ved inngangen til året fortalde verftssjef Øyvind Heggdal til Nett No at den største utfordringa var å finne nok folk til å utføre oppdraga.

Det er kome langt fleire spørsmål om bestilling av nye fartøy det siste året, og det blir jobba med prosjektering og tilbod på fleire nybygg, opplyser styret i den ferske årsmeldinga.

Verftet rekna med normal inntening på dei komande oppdraga, men at dei heller ikkje i år reknar med at dei vil klare å utbytte kapasiteten fullt ut.

Styret skriv i årsmeldinga at den økonomiske situasjonen er tilfredsstillande og at utsiktene ser gode ut på lang sikt. 

Ny verftssjef tok over i fjor
Øyvind Heggdal tok over som dagleg leiar av det familieeigde verftet mot slutten av fjoråret. Verftet har vore leia av familien Aas i fleire generasjonar. 

Etter fjoråret blir det ikkje sett av utbytte frå verftsselskapet, men det blir overført 30,2 millionar i konsernbidrag. 

Eigenkapitalen i Aas Mek Verkstad AS var på knappe 251 millionar, medan gjelda den langsiktige gjelda var på drygt 23 millionar kroner.