Konkurs for Flowtru

Herøy-selskapet Flowtru er konkurs etter at det er meldt oppbod til Møre og Romsdal tingrett. 

Ifølgje rettspapira har selskapet gjeld på drygt 6,2 millionar og verdiane er anslått til 300.000 kroner. Verksemda er innstilt og selskapet har sagt opp éin tilsett. 

Linda Brevik er oppnemnt som bustyrar i saka og første skiftesamling er planlagt 3. mars. 

Flowtru har utvikla ei fiskepumpe som gjer at levande fisk kan transporterast utan å måtte passere fysiske hinder. 

I 2019 var selskapet mellom finalistane i gründerkonkurransen Næringsteft. Året etter gjekk selskapet inn i ein samarbeidsavtale med utstyrsprodusenten Stranda prolog om å utvikle fiskepumpa vidare.

Selskapet står likevel tilnærma utan inntekter sidan 2020. Resultata har dei same åra enda i minus. 

Etter 2023 viste rekneskapen ei samla gjeld på kring 5,7 millionar kroner. Eigenkapitalen var på knappe 400.000 kroner ved utløpet av det året. 

Dei tre grunnleggarane Roar Stenersen, Martin Jung Leine og Gisle Vinjevoll Thrane starta selskapet i 2018. Året etter kom Oshaug Metall i Molde og danske Cavech APS inn på eigarsida.