Konkurskrav mot Bunadsspesialisten

To tilsette har retta konkurskrav mot Bunadsspesialisten etter manglande utbetaling av løn, ifølgje Sunnmørsposten. 

Av papira frå rettsmøtet måndag denne veka, går det fram at saka ble utsett ei veke til 3. februar. Selskapet er ifølgje retten i dialog med saksøkjarane og vil prøve å komme til ei minneleg løysing, skriv avisa.

Nett No har omtalt 2023-rekneskapane til Bunadsspesialisten i Ålesund og Molde – som viser store tap på det som i hovudsak skal ha vore gamle fordringar. 

Trass i at eigenkapitalen er tapt, meiner styret det er grunnlag for vidare drift og har lagt ein plan for korleis økonomien skal betrast – mellom anna ved å fusjonere selskapa. 

Bunadsspesialisten har drive sal og systuer med butikkar i Molde, Ålesund og Førde. I september i fjor meldte avisa Firda at Førde-butikken var stengt og at eigarane takka kundane for støtta.