Kraftig søkjarfall til lærarutdanning

NPK-NTB-Anna Victoria Stjern: – Det som kanskje blir opplevd som mest presserande no ved utgangen av 2024, er nedgangen i talet på søkjarar til grunnskulelærarutdanningane, står det i ein fersk rapport frå NOKUT.

Den viser at talet på søkjarar til grunnskulelærarutdanninga har gått vesentleg ned frå 2018 til 2024.

For utdanninga som rettar seg mot første til sjuande trinn på barneskulen, er nedgangen på 33 prosent. Det same gjeld heile 49 prosent til utdanninga for å bli lærar på femte til tiande trinn.