Kraftig vekst og rekordoverskot i tøffe tider

Rekneskapen til Aco Anlegg for fjoråret viser at entreprenørbransjen på Nordvestlandet held koken. 

Selskapet leverte rekordhøg omsetning og rekordhøgt overskot i 2024. 

Driftsinntektene auka med kring 60 millionar til 376 millionar kroner. Resultat før skatt enda på 20 millionar – eit par millionar opp frå førre rekord i 2022. 

Etter fjoråret blir det sett av 10 nye millionar kroner i utbytte. Også det er rekordhøgt. 

Entreprenørselskapet Aco Anlegg utgjer hovudverksemda i Aco-konsernet med hovudadresse på Vadset i Ålesund. Konsernet med Aco Møre Holding på toppen, består av til saman ti selskap. 

«Selskapets økonomiske og finansielle stilling vurderes som god», skriver styret nøkternt i årsmeldinga. 

Vidare blir det påpeika at marknaden framleis er stram og konkurransen tøff, slik at marginane heile tida blir pressa. Ordresituasjonen framover, blir samtidig omtala som tilfredsstillande. 

Mange i bygg- og anleggsbransjen slit med lønnsemda og mangel på oppdrag, men i Møre og Romsdal har fleire av dei største entreprenørane, som Peab K. Nordang og Christie & Opsahl lagt bak seg nye rekordår.