Har aldri hatt større overskot enn i fjor

Allereie i fjor haust varsla dagleg leiar Kjetil Nordang i Peab K. Nordang at selskapet låg an til ny rekordomsetning for 2024. 

Rekneskapen som nyleg blei offentleg viser ei ny auke på drygt 40 millionar, til 834 millionar kroner i driftsinntekter i fjor.

Samtidig leverte entreprenørfirmaet med hovudkontor i  Stranda sitt største overskot nokon gong. Resultaeeetet før skatt enda på knappe 52 millionar (sjå tabell under). 

Tala gir ein  resultatmargin kring seks prosent, som er solid i ein bransje der mange har opplevd tøffe tider dei siste åra. Av overskotet vart drygt 15 millionar overført som konsernbidrag, og kring 25 millionar til eigenkapitalen. 

I årsmeldinga går det fram at selskapet gjekk inn i 2025 med rekordhøg ordrereserve og at framtidsutsiktene ser bra ut. 

Eit meir uroleg verdsbilde gir samtidig eit usikkert bilde for bustad og næring i privatmarknaden.

I årsmeldinga blir det påpeika at det er store skilnader i dei ulike oppdraga – og at det er viktig å analysere risikoen allereie på stadiet då det blir gitt tilbod. Nordang fortalde til Nett No i fjor at dei hadde hatt nokre «utforkøyringar» - med prosjekt som blei kostbare. 

Eit næringsliv som gjekk godt, gjorde at entreprenørselskapet uansett har jamt med oppdrag, la Nordang til.