Kraftmontasje treng ny sjef

Vestnes-selskapet Kraftmontasje søker ny dagleg leiar som ledd i å rigge for vidare vekst, skriv selskapet i stillingsannonsen. 

Firmaet har spesialisert seg på bygging av kraftliner og rehabilitering av elektriske systema i tunnellar.

Øystein Søraas er noverande dagleg leiar og skal over i ny rolle i konsernleiinga for å bidra til utvikling av selskapsgruppa. 

Kraftmontasje har lagt bak seg fleire år med kraftig vekst, og omsette i fjor for nær 800 millionar. Målet er ein omsetning i konsernet på éin milliard i løpet av få år, skriv selskapet.