NPK-NTB: Oppdrettselskapet Mowi, Lerøy, Salmar, Grieg Seafood og to andre norske lakseselskap inngår eit forlik i USA. Til saman betaler dei rundt 817 millionar kroner.
Forliket kjem etter påstandar om konkurranseavgrensande åtferd, ifølgje E24. Selskapa vart saksøkte i 2019 for «ulovlig koordinering» i eit amerikansk massesøksmål.
Forliket er avhengig av godkjenning frå ein domstol i Florida.
Selskapa opplyser i børsmeldingar at dei meiner det ikkje er noko hald i krava mot dei, men at dei likevel har gått med på eit forlik.
Publisert: 27.05.2022 07:16
Sist oppdatert: 27.05.2022 07:19
