(NPK-NTB): Mattilsynet vil politimelde to lakseprodusentar i Nordland for å ha latt vere å melde frå om utbrot av lakseviruset ILA. Ved eitt tilfelle skal smitta laks ha blitt selt til Kina.
Mattilsynet meiner eksporten av laks smitta med infeksiøs lakseanemi (ILA) var ein medverkande årsak til at Kina i fjor stoppa importen av heil laks frå Noreg.
– Vi ser veldig alvorleg på at selskapa ikkje etterlever regelverket og ikkje varslar ved mistanke om sjukdom eller teikn på sjukdom, seier Katrine Flostrand, avdelingssjef i Mattilsynet region nord, til nettavisa .
Dei tre siste åra er det registrert 31 utbrot av laksesjukdommen ILA i Lofoten og Vesterålen.
– Selskapa bør heller varsle oss ein gong for mykje enn ein gong for lite. Her mistenkjer vi at selskapa heller ikkje har valt å slakte ut fisken, seier Flostrand.
Det lykkast ikkje NTB å få ein kommentar frå dei to selskapa.
ILA-viruset høyrer til same familie som influensavirusa, men gir ikkje sjukdom hos menneske. (©NPK)
Mattilsynet meiner eksporten av laks smitta med infeksiøs lakseanemi (ILA) var ein medverkande årsak til at Kina i fjor stoppa importen av heil laks frå Noreg.
– Vi ser veldig alvorleg på at selskapa ikkje etterlever regelverket og ikkje varslar ved mistanke om sjukdom eller teikn på sjukdom, seier Katrine Flostrand, avdelingssjef i Mattilsynet region nord, til nettavisa .
Dei tre siste åra er det registrert 31 utbrot av laksesjukdommen ILA i Lofoten og Vesterålen.
– Selskapa bør heller varsle oss ein gong for mykje enn ein gong for lite. Her mistenkjer vi at selskapa heller ikkje har valt å slakte ut fisken, seier Flostrand.
Det lykkast ikkje NTB å få ein kommentar frå dei to selskapa.
ILA-viruset høyrer til same familie som influensavirusa, men gir ikkje sjukdom hos menneske. (©NPK)
Publisert: 20.10.2015 10:14
Sist oppdatert: 10.02.2021 15:50
