(NPK-NTB): Lerøy Seafood hadde store kostnadar knytt til lakselus i fjerde kvartal. Høge lakseprisar mot slutten av kvartalet gav likevel eit sterkare resultat enn venta.
Lerøy Seafood fekk eit resultat før skatt på 1 milliard kroner i fjerde kvartal i fjor, opp 4 prosent samanlikna med same kvartal i 2014.
– Prisutviklinga for atlantisk laks var svært sterk mot slutten av fjerde kvartal, og dette gav eit høgare resultat for kvartalet enn vi forventa, seier konsernsjef Henning Beltestad.
Konsernet opplever ifølge han at etterspørselen etter norsk sjømat er sterkt veksande. Samtidig har den svake krona gitt konkurransefordelar.
Lerøy Seafood blir likevel plaga av høge kostnadar knytt til problem med lakselus. I delar av landet har lusesituasjonen vore «svært krevjande» i andre halvår av 2015, skriv konsernet i sin kvartalsrapport.
Større behandlingskostnadar og forsert utslakting har spesielt påverka kostnadsbiletet negativt i Lerøy Midt. (©NPK)
Lerøy Seafood fekk eit resultat før skatt på 1 milliard kroner i fjerde kvartal i fjor, opp 4 prosent samanlikna med same kvartal i 2014.
– Prisutviklinga for atlantisk laks var svært sterk mot slutten av fjerde kvartal, og dette gav eit høgare resultat for kvartalet enn vi forventa, seier konsernsjef Henning Beltestad.
Konsernet opplever ifølge han at etterspørselen etter norsk sjømat er sterkt veksande. Samtidig har den svake krona gitt konkurransefordelar.
Lerøy Seafood blir likevel plaga av høge kostnadar knytt til problem med lakselus. I delar av landet har lusesituasjonen vore «svært krevjande» i andre halvår av 2015, skriv konsernet i sin kvartalsrapport.
Større behandlingskostnadar og forsert utslakting har spesielt påverka kostnadsbiletet negativt i Lerøy Midt. (©NPK)
Publisert: 23.02.2016 09:28
Sist oppdatert: 10.02.2021 15:48
