NPK: Utkast av torsk i det norske kystfisket med garn er under 1 prosent, fortel Havforskingsinstituttet.
Utkast av fisk er eit problem på alle hav, og ein reknar med at om lag 10 prosent av fangstane på verdsbasis blir kasta.
I Noreg er det forbode å kasta ut fisk. For å ikkje sløsa med verdifulle ressursar skal all fangst av fisk førast i land. Dette forbodet er ein grunnleggande del av forvaltninga av det norske fisket. Likevel skjer utkast, men ein har ikkje tidlegare visst i kor stort omfang.
Ei masteroppgåve ved Institutt for biovitskap ved Universitetet i Bergen gir no svar.
– Estimeringane mine viser at gjennomsnittleg del utkast av torsk dei siste sju åra har vore under 0,73 prosent for fartøy under 15 meter som fiskar med garn i området Troms til Helgeland. Utkastet var generelt høgare i tredje og fjerde kvartal enn i dei to første kvartala, seier masterstudent Hilde Sofie Fantoft Berg.
No jobbar Berg ved Havforskingsinstituttet for å rekna ut utkast for heile norskekysten.
– Undersøkingane antydar at utkast av torsk i kystfiske med garn er lågt, og at dødstala som utkast representerer i dette fisket, ikkje bør ha stor innverknad på vurderinga av bestandane, seier Berg.
Utkast av fisk er eit problem på alle hav, og ein reknar med at om lag 10 prosent av fangstane på verdsbasis blir kasta.
I Noreg er det forbode å kasta ut fisk. For å ikkje sløsa med verdifulle ressursar skal all fangst av fisk førast i land. Dette forbodet er ein grunnleggande del av forvaltninga av det norske fisket. Likevel skjer utkast, men ein har ikkje tidlegare visst i kor stort omfang.
Ei masteroppgåve ved Institutt for biovitskap ved Universitetet i Bergen gir no svar.
– Estimeringane mine viser at gjennomsnittleg del utkast av torsk dei siste sju åra har vore under 0,73 prosent for fartøy under 15 meter som fiskar med garn i området Troms til Helgeland. Utkastet var generelt høgare i tredje og fjerde kvartal enn i dei to første kvartala, seier masterstudent Hilde Sofie Fantoft Berg.
No jobbar Berg ved Havforskingsinstituttet for å rekna ut utkast for heile norskekysten.
– Undersøkingane antydar at utkast av torsk i kystfiske med garn er lågt, og at dødstala som utkast representerer i dette fisket, ikkje bør ha stor innverknad på vurderinga av bestandane, seier Berg.
Publisert: 10.07.2019 08:02
Sist oppdatert: 10.02.2021 15:33
