Mange registrerte turistfiskebedrifter

Ved årsskiftet hadde 270 bedrifter registrert seg i Fiskeridirektoratet sitt register for turistfiskebedrifter, opplyser direktoratet.
Flest er det i Nordland med 58, medan det i Møre og Romsdal er registrert 31 bedrifter.
Direktoratet opplyser at alle bedrifter som er registrerte i momsregisteret, har minst 50.000 i omsetning og som leiger ut minst ein båt til gjestar er frå 1. januar i år pliktige til å registrere seg hos Fiskeridirektoratet.
Bedriftene må i tillegg sende inn rapport på kor mange torsk, sei, kveite, uer og steinbit gjestene fiskar, og bedriftene er også pålagde å informere gjestene sine om regelverket for fritidsfiske i Norge.
Det er også opna for at verksemder som ikkje er registrerte i momsregisteret, men som har verksemd med organisasjonsnummer og som kan knytast til turistfiske også kan registrere seg frivillig, utan å ha minimum 50.000 i omsetning.
Gjester ved slike bedrifter kan som for pliktige bedrifter ta med seg 20 kilo fisk eller fiskeprodukt ut av landet. Alle andre, som til dømes utlendingar som reiser på eigahand eller som bur ved uregistrerte bedrifter, kan berre ta med seg 10 kilo fisk eller fiskeprodukt når dei forlet landet.