Meir lokkemat frå Sanner

(NPK): Kommunal- og moderniseringsminister Jan Tore Sanner freistar med endå fleire tilskot til kommunar som slår seg saman.
Det er allereie mykje omtalt at regjeringa har lagt opp til eit inntektssystem som premierer kommunar som vil slå seg saman. No har Kommunal- og moderniseringsdepartementet offentleggjort endå ei gulrot, .
Kommunar som vedtek å slå seg saman innan 1. juli har høve til å søkje om tilskot til vegar, breiband og andre tiltak for digitalisering. Tilskotet skal kome til nytte for å knyte kommunar betre saman, heiter det i pressemeldinga. Det er 50 millionar kroner i potten til tilskotsordninga for infrastrukturprosjekt. (©NPK)