Meir støtte til skipstunnelen

I ein resolusjon frå fylkesårsmøte i Vestland Frp blir Stortinget oppmoda om å gå inn for bygging av Stad skipstunnel. 

Dei peiker mellom anna på behovet for trygg transport, reduksjon av uproduktiv tid for reiarane og kutt i energiforbruk for skipsfarten. 

Nyleg kom gav også landsstyret i Raudt tommelen opp for bygging av skipstunnelen. 

– For mange er Stad ikkje eit vakkert landskap, men ein krevjande og risikofylt arbeidsplass. Skipstunnelen handlar om tryggleik i arbeidskvardagen for sjøfolk, fiskarar og transportnæringa, uttaler Aina M. Hauge, landsstyrerepresentant for Rødt i Møre og Romsdal i ei melding. 

Kystverket jobbar i desse dagar med å forhandle ned prisen på prosjektet. Det er venta at dei vil legge fram ei ny pris på skipstunnelen før Stortinget tek stilling til revidert statsbudsjett i mai.