Mohn investerer i atomkraftverk

(NPK-NTB): Milliardær Trond Mohns selskap står som hovudaksjonær i eit nytt selskap som har mål om å byggje kjernekraftverk i Noreg, skriv VG.

Selskapet Norsk Kjernekraft AS vart stifta i juli. Styreleiar Jonny Hesthammer stadfestar overfor VG at dei skal jobbe for å byggje og drifte kjernekraftverk i Noreg.

– Dette er starta etter fleire år med analysar av om det er realistisk at vi klarer å gjennomføre dette på ti til femten år. Deretter om det er noko Noreg treng og noko det vil vere politisk vilje til, seier Hesthammer.

Det har aldri vore kommersiell drift av kjernekraft i Noreg, og det finst ikkje konsesjonsprosessar og styresmakter til å godkjenne dette, ifølgje VG.

Selskapet har informert Direktoratet for strålevern og atomtryggleik om planane.

Norsk Kjernekraft AS har tre tilsette, som skal leggje planar for å innføre små modulære reaktorar i Noreg. Dette er kjernekraftverk på storleik med ei fotballbane, som kan masseproduserast på fabrikkar i utlandet.

(©NPK)