NHO ber bedrifter inkludere fleire

(NPK-NTB): Arbeidslivsdirektør Nina Melsom i NHO etterlyser ei framtidsretta tenking hos arbeidsgivarane og betre samarbeid med Nav.

Ifølgje tal frå Statistisk sentralbyrå (SSB) står 660.000 nordmenn utanfor arbeidsliv og utdanning. No ber Melsom i Næringslivets Hovedorganisasjon (NHO) bedriftene om at arbeidsgivarane inkluderer fleire i arbeidslivet.

– Du må tenkje meir langsiktig og utvikle medarbeidarane over tid. Hjelpe dei opp til eit nivå som gjer at ein har den kompetansen bedriftene over tid har behov for, seier ho til Aftenposten.

I november gjennomførte NHO ei undersøking blant medlemmene sine. Der oppgav 31 prosent at dei har rekruttert personar som treng ekstra oppfølging eller tilrettelegging dei siste 12 månadene.

Melsom oppmodar samtidig bedriftene til å gi utdanning gjennom jobb, og dessutan eit tydelegare samarbeid med Nav.

– Kunnskapen vår viser at skal ein lykkast, må Nav også vere vendt mot bedriftene.

(©NPK)