No kjem skattepengane

(NPK-NTB): Dei aller fleste som fekk igjen på skatten, fekk pengane inn på konto onsdag.
2,5 millionar nordmenn får igjen til saman 28 milliardar kroner på skatten, eller 11.000 kroner i snitt, opplyser skatteetaten. Dersom du får igjen på skatten, kjem pengane på konto eller på utbetalingskort innan to veker. Dei aller fleste fekk pengane på kontoen onsdag.
530.000 lønnstakarar og pensjonistar har fått restskatt. Dei må betale til saman 9 milliardar kroner, eller 17.000 kroner i gjennomsnitt.
Skattedirektør Hans Christian Holte seier at det viktigaste du kan gjere for å unngå restskatt til neste år, er å endre skattekortet allereie no.
– Det gjer du enkelt på . Reduserte gjeldsrenter på bil- og bustadlån og overgang til pensjon er typiske tilfelle der du bør endre skattekortet. Du har sjølv ansvar for at grunnlaget for skattekortet er rett, seier Holte.
Neste pulje med skatteoppgjer kjem 3. august. Her er også personleg næringsdrivande og deira ektefellar med, i tillegg til skattytarar som leverte sjølvmeldinga på papir. Etter 3. august blir det kontinuerleg skatteoppgjer fram til siste oppgjersdato 12. oktober. (©NPK)