Noreg innfører nye sanksjonar

– Vi har slutta opp om den ellevte sanksjonspakken, som EU annonserte fredag 23. juni, og jobbar med å gjennomføre denne i norsk rett, seier Huitfeldt til NTB.

– Noreg står saman med EU i reaksjonen på Russlands grove folkerettsbrot, og vi har slutta opp om EUs sanksjonar mot Russland, med nokre få nasjonale tilpassingar, seier ho.

EUs siste sanksjonspakke forbyr mellom anna at varer og teknologi som kan brukast av det russiske militæret, blir frakta via Russland. Den gjer det også mogleg å avgrense sal av varer og teknologi til land som kan selje desse vidare til Russland.

I tillegg blir skip som lastar skip-til-skip, fråteke tilgangen til EU-hamner dersom det er rimeleg mistanke om at lasta kjem frå Russland.

– Sanksjonane blir stadig meir omfattande, og det blir vanskelegare å handle med Russland. Den ellevte sanksjonspakken har som mål å styrkje dei eksisterande sanksjonane og slå ned på omgåelsen av dei. Det er viktig, for det hastar med å bremse pengestraumar som Russland bruker til å finansiere den folkerettsstridige angrepskrigen mot Ukraina, seier Huitfeldt.

(©NPK)