Norge tregast i Norden på teknologi

(NPK-NTB): Norske bedrifter er dårlegast i Norden på å ta i bruk nye teknologiske løysingar som kunstig intelligens, ifølgje ein ny rapport.

Det viser Omstillingsbarometeret 2024 som Oslo Economics har laga for NHO-foreininga Abelia. I rapporten blir Noregs omstillingsevne samanlikna med 21 andre land.

– Tilgang på kompetanse og evne til å ta i bruk ny teknologi er sentrale føresetnader for å lykkast med det grøne skiftet. For eit land som må skape nye næringar og berekraftige eksportinntekter er dette svært dårlege nyheiter, seier Øystein Eriksen Søreide, administrerande direktør i Abelia.

Danmark og Finland er best blant alle land til å ta i bruk teknologi som kunstig intelligens, medan Noreg ligg midt på treet og har ei negativ utvikling samanlikna med andre land.

I tillegg rangerer Sverige, Finland og Danmark høgare enn Noreg på alle dimensjonane som seier noko om grunnleggjande omstillingsevner til eit land.

(©NPK)