Ny rekord for hotella

NPK-NTB: I mai vart det for første gong målt over to millionar overnattingar ved norske hotell. Det er ein auke på 9,5 prosent frå same månad i fjor.
Talet på hotellovernattingar i Noreg som utlendingar står bak, gjekk opp med 10,4 prosent til 556.707 frå i fjor. Talet på «norske» hotellovernattingar auka med 7,1 prosent til 1,4 millionar, ifølgje tal frå .
I alt var det 2,7 millionar registrerte overnattingar i mai, noko som er ein auke på 3 prosent mot same månad i fjor.
Tala viser at færre overnatta på campingplassar og i hyttegrender i vårmånaden mai. Samla sett hadde desse 96.000 færre overnattingar. Det kan mellom anna komme av at denne månaden både var våtare og kaldare enn i fjor, i tillegg til at pinsa var i juni. Det var 37.000 hytteovernattingar i mai, ein nedgang på 9,6 prosent. På campingplassane var det om lag 565.000 overnattingar denne månaden. Det er 81.000 færre enn same månad i fjor.
På Svalbard var det 16.000 overnattingar i mai, ein auke på 18 prosent samanlikna med same månad fjor. Både norske og utanlandske overnattingar auka, høvesvis med 13 og 24 prosent.