(NPK-NTB): Bergens Tidende og Bergensavisen har bestemt seg for å legge ned sine søndagsutgåver på papir. Forklaringa er høge kostnader og svikt i annonseinntektene.
Den siste søndagsavisa på papir kjem 20. mars i år, opplyser Bergens Tidende. Bergensavisen legg ned si søndagsutgåve samtidig, ettersom dei to avisene blir distribuerte saman.
BTs sjefredaktør Øyulf Hjertenes forklarar at bakgrunnen for nedlegginga er endringar i folks medievanar. Lesarane spreier seg på fleire kanalar, og derfor vel annonsørane andre dagar enn søndag. Samtidig har avisene hatt høge kostnadar til trykking og distribusjon på søndagar.
BT vil framleis komme med ei e-utgåve på søndagane. Også Bergensavisen lovar at det framleis vil komme ei søndagsavis i digitalt format. (©NPK)
Den siste søndagsavisa på papir kjem 20. mars i år, opplyser Bergens Tidende. Bergensavisen legg ned si søndagsutgåve samtidig, ettersom dei to avisene blir distribuerte saman.
BTs sjefredaktør Øyulf Hjertenes forklarar at bakgrunnen for nedlegginga er endringar i folks medievanar. Lesarane spreier seg på fleire kanalar, og derfor vel annonsørane andre dagar enn søndag. Samtidig har avisene hatt høge kostnadar til trykking og distribusjon på søndagar.
BT vil framleis komme med ei e-utgåve på søndagane. Også Bergensavisen lovar at det framleis vil komme ei søndagsavis i digitalt format. (©NPK)
Publisert: 01.02.2016 10:56
Sist oppdatert: 10.02.2021 15:48
