Nytt batterioppkjøp

NPK: Norsk-canadiske Corvus skal produsera Fjord1-batteri. No kjøper selskapet med base i Bergen Grenland Energy for å styrka produktporteføljen.
– Marknaden for batterilading veks fort. Det er det perfekte tidspunktet slå seg saman og kombinera ressursar og kompetanse, seier administrerande direktør Geir Bjørkeli i Corvus Energy i ei pressemelding.
Corvus er størst i verda på skipsbatteri. I for selde Corvus maritime batteri for 310 millionar kroner og i år er budsjettet på over 600 millionar kroner. No har selskapet sikra seg eit breiare batterispekter for skip og offshore.
Grenland Energy blei etablert i 2012 og utviklar batterisystem for maritim næring, offshore, subsea og landbaserte anlegg.
– Me visste at Grenland Energy hadde teknologi som kunne akselerera den langsiktige strategien vår om å komplettere og styrka produktporteføljen vår, seier Bjørkeli.
I januar blei det kjent at selskapet skal levera batteripakkar til fem nye Fjord1-ferjer. Corvus leverte også batteria til Ampere, den første batteriferja. Selskapet byggjer for tida ein ny fabrikk i Bergen.