Stranda Ventilasjon la bak seg eit nytt rekordår i 2025.
Etter at selskapet i fleire år har hatt ei omsetning kring 30 millionar, gjorde inntektene eit hopp i fjor og enda på 40 millionar kroner.
Også lønnsemda blei kraftig forbetra samanlikna med året før. Eit resultat før skatt på nær 7 millionar, er det nest største overskotet selskapet har hatt dei siste 20 åra (sjå tabell under).
| Stranda Ventilasjon AS | ||
| Tal i mill. kroner | 2025 | 2024 |
| Driftsinntekt | 40 | 31,3 |
| Driftsresultat | 8 | 4,4 |
| Resultat før skatt | 6,9 | 4,6 |
Stranda-firmaet som sysselsette 13,5 årsverk i fjor, har også investert i nytt produksjonsanlegg og bygg. Dei flytta inn i nye lokalar i november i fjor.
Historia til firmaet strekk seg tilbake til 1912 då Andreas Solbakken starta med platearbeid i kjellaren på huset sitt. Tidleg på 1970-talet starta produksjonen av ventilasjonsrister med tilhøyrande produkt.
Samla eigenkapital var på 25,4 millionar kroner og den langsiktige gjelda var på 30 millionar.
Selskapet er eigd av Joachim, Mathias og Stine Fivelstad som eig ein tredel kvar av aksjane.
Publisert: 25.02.2026 15:06
Sist oppdatert: 25.02.2026 15:06
