Oljenæringa skuffa over utvinningstempoet

(NPK-NTB):.– I ein situasjon der arbeidsløysa har auka med rundt 30.000 i olje- og gassektoren, hadde vi forventa at ein hadde tatt grep for å halde oppe aktiviteten med auka utvinning i eksisterande felt. Det gjer regjeringa dessverre ikkje, seier administrerande direktør Carl Erik Schjøtt-Pedersen i Norsk olje og gass til NTB.
Han meiner ein slik auke kunne auka inntektene til staten med mellom 100 og 150 milliardar kroner.
Oljenæringa bidreg med 233 milliardar kroner inn i dette budsjettet. Det er ein femdel av alle inntektene til staten. Det viser kor stor betyding olje- og gassverksemda har, seier Schjøtt-Pedersen. (©NPK)