NPK: Nærings- og fiskeridepartementet sende i haust ei ny forskrift om laksevekst på høyring. Forskrifta som no er vedtatt, gjeld vekst på løyve oppdrettarane allereie har.
– Eg er glad for at vi no kan tilby oppdrettsnæringa den første moglegheita til vekst etter at vi innførte det nye trafikklyssystemet, seier fiskeriminister Per Sandberg (Frp) i ei pressemelding.
Trafikklyssystemet skal sikre berekraftig og føreseieleg vekst i oppdrettsnæringa. Kysten er delt inn i tretten fargelagde soner. Fargen avgjer om oppdrettarane i området får lov til å vekse.
Aktørar i grøne produksjonsområde får tilbod om å vekse med to prosent på løyva sine. Det inneber eit samla tilbod på om lag 8.000 tonn. Prisen er 120.000 kroner per tonn løyve blir utvida med.
Dersom alle takkar ja til tilbodet, kan det gi det offentlege inntekter på rundt 1 milliard kroner. Av dette vil 80 prosent gå til havbruksfondet. Det vil gi nesten 800 millionar til kommunane og fylkeskommunane.
Fristen for å søke er 31. januar 2018. Det vil i 2018 bli lyst ut ytterlegare vekst gjennom auksjon.
– Eg er glad for at vi no kan tilby oppdrettsnæringa den første moglegheita til vekst etter at vi innførte det nye trafikklyssystemet, seier fiskeriminister Per Sandberg (Frp) i ei pressemelding.
Trafikklyssystemet skal sikre berekraftig og føreseieleg vekst i oppdrettsnæringa. Kysten er delt inn i tretten fargelagde soner. Fargen avgjer om oppdrettarane i området får lov til å vekse.
Aktørar i grøne produksjonsområde får tilbod om å vekse med to prosent på løyva sine. Det inneber eit samla tilbod på om lag 8.000 tonn. Prisen er 120.000 kroner per tonn løyve blir utvida med.
Dersom alle takkar ja til tilbodet, kan det gi det offentlege inntekter på rundt 1 milliard kroner. Av dette vil 80 prosent gå til havbruksfondet. Det vil gi nesten 800 millionar til kommunane og fylkeskommunane.
Fristen for å søke er 31. januar 2018. Det vil i 2018 bli lyst ut ytterlegare vekst gjennom auksjon.
Publisert: 22.12.2017 17:11
Sist oppdatert: 10.02.2021 15:40
