NPK-NTB: Norske bedrifter fekk skattefrådrag for over 7.600 utviklings- og forskingsprosjekt gjennom Skattefunn-ordninga i fjor.
Det er ein auke på 10 prosent frå året før. Til saman er det snakk om prosjektkostnadar på 31 milliardar kroner, der det offentlege bidrar med skattefrådrag på i alt 5,6 milliardar kroner.
– Skal vi lykkast med å skape eit berekraftig velferdssamfunn treng vi eit næringsliv som investerer i forsking og utvikling. Skattefunn bidrar til at bedriftene investerer meir i forsking og utvikling, og vi ser at dei som nyttar ordninga, skaper fleire arbeidsplassar, seier statsminister Erna Solberg (H) i ei pressemelding frå Nærings- og fiskeridepartementet.
Det er Forskingsrådet som har ansvar for ordninga, som skal vere enkel og ubyråkratisk og særleg treffe små og mellomstore bedrifter.
Det er ein auke i alle fylke og sektorar, med unntak av underhaldning og olje- og gassektoren. Sistnemnde er likevel blant dei største næringane i ordninga, saman med IKT og marin sjømat.
Regjeringa gler seg særleg over at det er ein høg vekst i Rogaland og Aust-Agder, som begge har vore ramma av oljekrisa.
Skattefunn-ordninga vart først oppretta i 2002. Ein analyse frå 2016, utarbeidd av Statistisk sentralbyrå, viste at 1 million kroner i støtte hadde skapt i underkant av to nye årsverk og 1,8 millionar kroner i auka årleg verdiskaping, når effekten vart målt etter tre år.
Regjeringa har bestilt ei evaluering av ordninga, skal leggjast fram i løpet av året.
Det er ein auke på 10 prosent frå året før. Til saman er det snakk om prosjektkostnadar på 31 milliardar kroner, der det offentlege bidrar med skattefrådrag på i alt 5,6 milliardar kroner.
– Skal vi lykkast med å skape eit berekraftig velferdssamfunn treng vi eit næringsliv som investerer i forsking og utvikling. Skattefunn bidrar til at bedriftene investerer meir i forsking og utvikling, og vi ser at dei som nyttar ordninga, skaper fleire arbeidsplassar, seier statsminister Erna Solberg (H) i ei pressemelding frå Nærings- og fiskeridepartementet.
Det er Forskingsrådet som har ansvar for ordninga, som skal vere enkel og ubyråkratisk og særleg treffe små og mellomstore bedrifter.
Det er ein auke i alle fylke og sektorar, med unntak av underhaldning og olje- og gassektoren. Sistnemnde er likevel blant dei største næringane i ordninga, saman med IKT og marin sjømat.
Regjeringa gler seg særleg over at det er ein høg vekst i Rogaland og Aust-Agder, som begge har vore ramma av oljekrisa.
Skattefunn-ordninga vart først oppretta i 2002. Ein analyse frå 2016, utarbeidd av Statistisk sentralbyrå, viste at 1 million kroner i støtte hadde skapt i underkant av to nye årsverk og 1,8 millionar kroner i auka årleg verdiskaping, når effekten vart målt etter tre år.
Regjeringa har bestilt ei evaluering av ordninga, skal leggjast fram i løpet av året.
Publisert: 22.02.2018 08:27
Sist oppdatert: 10.02.2021 15:39
