Rekordoppdrag for Volda Maskin

NCC har med seg Volda Maskin på laget i bygginga av ny Lerstadtunnel på E136, ifølgje Sunnmørsposten.

Oppdraget er det største det lokale anleggsfirmaet har sikra seg nokon gong.

– Det er tøffe tider i bransjen, det merkar vi. Dette vil sikre ein betydeleg del av omsetninga vår i fleire år, seier dagleg leiar Hans Petter Eldevik til avisa.

Han ser ikkje vekk frå at dei kan trenge feire folk som følgje av kontrakten. I dag har Volda Maskin kring 50 tilsette, og er i ferd med å avslutte arbeidet på fylkesveg 63 til Geiranger.