Rekordår for verft - tredobla overskotet

2022-rekneskapen viser at Måløy Verft hadde eit svært godt år i fjor.

Høg aktivitet førte til ei omsetning på rekordhøge 71 millionar – ei dobling frå året før.

Overskotet vart samtidig tredobla samanlikna med 2021, og resultat før skatt enda på drygt 4,1 millionar kroner (sjå tabell under).

Overskotet er det største på meir enn ti år for verftet som driv mykje med reparasjonar og vedlikehald. Etter tapsår i 2019 og 2020, var verftet tilbake på plussida i 2021.

Måløy Verft er heileigd av selskapet Sea Technology, der Carlson-familien er største aksjonær gjennom sitt selskap Brothers.