Rektorar mot millionen

NPK-NTB: Ein ny rapport viser gjennomsnittslønna til dei ulike lærargruppene. På toppen finn ein rektorar, som nærmar seg milliongrensa.

TBSK -rapporten, som viser lønnsstatistikken for kommunesektoren før lønnsforhandlingane startar, inneheld også snittlønna til lærargruppene, skriv Utdanningsnytt.

I rapporten finn ein ei oversikt og gjennomsnittslønna til tilsette i kommunesektoren per 1. desember 2025.

Rapporten viser at rektorar i snitt tener 990.372 kroner. Assisterande rektorar tener 888.876 kroner i snitt. Vidare kjem lektorar med tillegg, som i snitt tener 791,184 kroner. Lektorar utan tillegg har ei snittlønn på 697.152 kroner.

Barnehagelærarar tener i snitt 602.852 kroner.

Utdanningsnytt skriv at ein stor del lærarane med maks ansiennitet bidreg til høg gjennomsnittslønn. Fleire lærarar har dessutan funksjonstillegg som kjem på toppen av grunnlønna.

Alle nyutdanna lærarar har no masterutdanning, noko som også påverkar lønnsstatistikken. Det trekkjer opp snittlønna til heile lærargruppa, ifølgje Utdanningsnytt.