Russerbåtar berre velkomne i tre hamner

(NPK-NTB): Statsminister Jonas Gahr Støre (Ap) seier at informasjonen regjeringa har fått, gjorde det nødvendig å stramme inn for russiske fiskefartøy.

Regjeringa har vorte møtt med krav om å gjere dette i fleire månader. Noreg er einaste land som har hatt eit unntak som gir russiske fiskefartøy tilgang til hamnene våre.

Torsdag varsla regjeringa ei innstramming. Fiskefartøya får berre sleppe til i hamnene i Kirkenes, Tromsø og Båtsfjord.

– Kvifor gjorde de ikkje dette før?

– Det er fordi vi ville ha eit sakleg grunnlag før vi bestemde seg. Derfor er dette noko som vi må ha god innsikt i og god oversikt over før vi bestemmer seg. Det vi har sett til no har gjort det nødvendig å stramme inn, seier Støre til NTB.

(©NPK)