Samlar møbelbransjen til eksportsatsing

Tysdag kjem ein rekke møbelbedrifter til ein heildagssamling i Sykkylven i samband med eksportsatsing retta mot Tyskland. 

Det er Innovasjon Norge som byr inn til samlinga, der åtte av ti bedrifter kjem frå lokalmiljøet. Hit kjem også bransjespesialistar frå Tyskland som vil hjelpe bedriftene på veg. 

Vareproduksjon og designbransjen er ein av fleire næringar som er blinka ut av regjeringa som satsingsområde for å auke eksporten frå fastlandsindustrien. 

Arbeidet blir leia av Runar Haugen ved Innovasjon Norge sitt kontor i Ålesund, i samarbeid med næringa sjølv.