Senterpartiet presenterte onsdag den nye straumpolitikken sin. Mellom anna vil dei fjerne elavgifta, og dei vil tilby Noregspris også til næringslivet.
– Vi ønskjer meir stabilitet, meir ro og meir kontroll over norsk kraftpolitikk, seier Sp-leiar Trygve Slagsvold Vedum på ein pressekonferanse onsdag morgon. Etter at Senterpartiet gjekk ut av regjeringa på grunn av tre energidirektiv, har dei varsla at straum- og kraftpolitikk blir ein av deira viktigaste saker i valkampen. – Målet vårt er å få fleirtal for flest mogleg tiltak som skaper låge straumprisar, seier Vedum.
Like etter pressekonferansen la Vedum fram sju forslag i stortingssalen, alle med fleire underpunkt.
Mellom anna vil Senterpartiet:
* at oppgradering av sentralnettet skal betalast over statsbudsjettet, i staden for at straumkundane får rekninga i nettleiga * gjere Statnett om frå eit statsføretak til eit direktorat
* tvinge Statkraft til å byggje ut meir vasskraft
* melde Noreg ut av EUs energibyrå Acer og seie nei til heile EUs fjerde energimarknadspakke
* starte forhandlingar om sterkare kontroll av eksporten via kraftkablane til England (North Sea Link) og Tyskland (Nordlink)
* strupe utvekslingskapasiteten gjennom utanlandskablane ved høge straumprisar * stanse ytterlegare elektrifisering frå land * ikkje opne for bygging av nye utanlandskablar, verken i offentleg eller privat regi.
Publisert: 12.02.2025 12:12
Sist oppdatert: 12.02.2025 12:12
