Siste leikebutikk i Ulstein konkurs

Møre og Romsdal tingrett opna denne veka konkurs i selskapet Leikebutikken Ulsteinvik As. Konkursen markerer slutten for den siste reine leikebutikken i byen, ifølgje Vikebladet.

Firmaet har dreve Ringo-butikken på Amfisenteret, men drifta har gått med underskot i fleire år.

Gjelda er ifølgje rettspapira på minst 1,27 millionar og verdien er anslått til kring 900.000 kroner.

Fram til 2006 heldt butikken til i andre etasje i det som tidlegare var kjent som Eiken-bygget i Ulsteinvik, skriv avisa. Etterpå vart butikken skilt ut og kjøpt av fire aksjonærar.