Sluttar i Ulstein Næringsforum

Daniel Garden sluttar som dagleg leiar i Ulstein Næringsforum, melder Vikebladet Vestposten.

Han starta i stillinga for om lag to år sidan og har takka ja til ny jobb i Ålesund Kunnskapspark.

– Vi har kome i gang med mykje på desse to åra, og det hadde vore kjekt å følgje prosessane vidare. Gjennom ÅKP vil eg heldigvis framleis ha kontakt med mange av bedriftene her i Ulstein, seier Garden til avisa.

Han sluttar 1. september og stillinga som dagleg leiar er lyst ut med søknadsfrist 17. juni.