Sluttar som dagleg leiar i Frøy Vest

Det Hareid-baserte brønnbåtrederiet Intership har tilsett Joar Gjerde som ny Chief Marketing Officer. Gjerde kjem frå stillinga som dagleg leiar i Frøy Vest.

Han har lang erfaring innanfor internasjonal skipsbygging og maritim industri, både som salssjef hos Ulstein Verft, og salssjef hos ABB Marine. Dei siste fire åra har han arbeidd innanfor havbruksnæringa, som dagleg leiar i Frøy Vest.

- Det er med stor glede og entusiasme eg no går inn i stillinga som marknadssjef i Intership. Eg har fått eit veldig godt inntrykk av selskapet og ikkje minst mine nye kollegaer, seier han i ei pressemelding.