Det omlag 100 meter lange skipet til eit europeisk reiarlag skal vere klart frå eit europeiske verft om omlag to år, skriv Gjerdsvikabedrifta Stadt i ei pressemelding.
Namn på reiarlag og verft er ikke oppgitt. Det er heiller ikkje storleiken på kontrakten i kroner.
Stadt skal vere systemleverandør av eit kraftig diesel-elektrisk system, basert på selskapet sitt patenterte "Lean Propulsion"-system. Poenget med systemet er mellom anna støydemping og redusert energiforbruk. Systemet gjer at skipet kan ligge presist på plass i ein posisjon, såkalla dynamisk posisjonering (DP).
Dette blir det 18. skipet Stadt leverer til med dette systemet for dynamisk posisjonering, ifølgje pressemeldinga.
Kontrakta stadfestar Stadt sin gode posisjon i den internasjonale marknaden også for DP opererte skip , og skapar grunnlag for langt fleire tilsette no i Gjerdsvika , seier dagleg leiar og medeigaar Hallvard Slettevoll i pressemeldinga.
Publisert: 20.11.2025 12:07
Sist oppdatert: 20.11.2025 16:51
