Stor gjeld etter gartnerkonkurs

Møre og Romsdal tingrett har opna konkurs i selskapet Urban Gartneren med adresse i Molde.

Selskapet hadde kring 6,3 millionar i gjeld og verdiar for kring ein halv million kroner. Firmaet hadde sju tilsette, ifølgje rettspapira.

Inntektene til selskapet som blei starta i 2017 har peika bratt opp dei siste åra, og i 2022 omsette dei for nær fem millionar. Fire av dei fem siste åra har samtidig gått med underskot.

Urban Gartneren har i løpet av dei siste åra fått millionstøtte frå Innovasjon Norge for å utvikle eit demonstrasjonsanlegg for sokalla hydrofonisk dyrking av salat.

Produksjonen har skjedd innandørs, uavhengig av vêr og klima. I 2022 fekk selskapet Klimasnuprisen for sin alternative dyrking av salatar.

Rema 1000 og Bunnpris har vore mellom kundane, og satsinga er omtalt i Nationen og fleire andre aviser.