Sykkylven-hotell til sals

Ekteparet Knut-Henning og Lina Aursnes har tatt valet å selje Aursnes Hotell i Sykkylven, ifølgje lokalavisa Nyss. 

Dei tok over drifta i 2005, men familien har drive utleigeverksemd på staden sidan 1947. Hotellet er no drifta som eit «bed & breakfast»konsept.

– Vi håpar gjerne at dei som vel å kjøpe hotellet kanskje kan starte det opp att slik det var, med meir liv og arrangement. Det veit vi at bygda treng, og vi får framleis spørsmål om det frå folk om vi har bar i helgane, seier Knut-Henning Aursnes til avisa. 

Økonomien er god etter at hotellselskapet har lagt bak seg nokre svært lønnsame år. I 2023 hadde dei eit driftsresultat på 2,2 millionar frå ei omsetning på 4,7 millionar kroner.