Tiltalt etter grunnstøyting med Hurtigruten

(NPK-NTB): Styrmannen for Hurtigruteskipet Fridtjof Nansen, som grunnstøytte i januar 2022, er tiltala for brot på skipstryggingslova.

Påtalemakta meiner styrmannen på vakt kan klandrast for grunnstøytinga utanfor Måløy i Vestland 12. januar for to år sidan.

– Han har fått eit førelegg på 25.000 kroner. Det er ikkje vedteke, og førelegget trer inn som ein tiltale, seier statsadvokat Benedikte Høgseth til Bergensavisen.

Dermed blir det full bevisførsel i Hordaland tingrett i januar neste år. Det er sett av fem dagar til rettssaka.

– Styrmannen ser fram til å møte i Hordaland tingrett i januar for å slik bli reinvaska for skuld for grunnstøytinga ved innløpet til Skatestraumen, opplyser forsvararen, advokat Torbjørn K. Sognefest, til BA.

Skipet segla frå Hamburg andre nyttårsdag 2022 og skulle etter planen vere tilbake i den tyske hamnebyen 16. januar. Det var 398 personar om bord. Ingen vart skadde, men skipet fekk hol i skroget.

(©NTB)